Голливуднинг энг машҳур жуфтликларидан бири — Том Ҳолланд ва Зендая расман турмуш қуришди. Бу ҳақда АҚШ киноактёрлар гилдияси (SAG Awards) мукофотини топшириш маросими олдидан Зендая шахсий стилисти Ло Роуч журналистларга маълум қилди.
Машҳур стилист икки ёш барчадан сир тутган ҳолда яширин тўй маросимини ўтказишганига шама қилди.
“Тўй аллақачон бўлиб ўтди. Сиз уни ўтказиб юбордингиз”, деди Роуч.
Журналист ушбу хабар қанчалик ҳақиқат эканини сўраганида, у жилмайиб:
“Бу мутлақо ҳақиқат”, дея жавоб берди.
Уларнинг унаштирилгани ҳақидаги миш-мишлар эса Зендая “Олтин глобус — 2025” мукофотини топшириш маросимида чап қўлининг номсиз бармоғига йирик бриллиант узук тақиб чиққанидан сўнг кўпайди. Кўп ўтмай, Том ушбу хабарларни тасдиқлади: интервьюларидан бирида у Зендаяни шунчаки “ҳамкасбингиз” деб атаган мухбирнинг сўзини тўхтатиб, “бўлажак рафиқам” дея уни тузатган эди.
