Хитойлик олимлар кўзнинг ўта нозик қисмларида юқори аниқлик билан инексиялар бажаришга қодир автоном робот тизимини ишлаб чиқди. Ушбу инновацион робот тўр парда касалликларини хавфсиз даволаш имконини беради ва мураккаб жарроҳлик амалиётларини ҳатто малакали мутахассислар етишмайдиган чекка ҳудудларда ҳам бажаришни осонлаштиради, дея хабар берди China Daily.
Робот ҳайвонлар устида ўтказилган синовлардан муваффақиятли ўтди ва томир ичидаги ҳамда субретинал инексияларда 100 фоиз самарадорликни кўрсатди. Ушбу тизим уч ўлчовли фазовий қабул қилиш ва траектория назорати алгоритмларидан фойдаланган бўлиб, натижада жарроҳлар қўлда бажарадиган операциялар билан солиштирганда позициялаш хатосини деярли 80 фоизга камайтиришга муваффақ бўлган.
Янги робот аниқ жойлашишни таъминлаш ва ҳаракат йўналишини бошқариш учун мураккаб алгоритмлар тўпламидан фойдаланади. Ишлаб чиқувчилар таъкидлаганидек, автоном тизимлар жорий этилгач, тўр парда касалликларини даволаш хавфсизлиги сезиларли даражада ошади.
Шу билан бирга, ушбу технология чекка ҳудудларда мураккаб жарроҳлик амалиётларини ўтказиш имконини беради, бу эса тиббиёт ресурслари етишмовчилиги муаммосини қисман бартараф этади.
