Португалия терма жамоаси ва “Ал-Насср” клуби сардори Криштиану Роналду ХХI асрда Европанинг кучли бешлик чемпионатлари ўйинларида майдонда ўтказилган дақиқалар сони бўйича жаҳон футболида етакчи ҳисобланади. Сcоре 90 хабарига кўра, португалиялик футболчи 75,927 дақиқа билан рейтингда биринчи ўринни эгаллаган.
Европада “Барселона” ва “ПСЖ” клублари сафида тўп тепган аргентиналик Лионель Месси 70,022 дақиқа билан учинчи поғонадан жой олган. Иккинчи ўринда эса Криштиану Роналдунинг “Реал Мадрид” клубидаги собиқ жамоадоши Серхио Рамос қайд этилган — 70,461 дақиқа.
ХХИ асрда Европанинг топ-5 лигаларида энг кўп дақиқа ўйнаган футболчилар:
- Криштиану Роналду — 75,927 дақиқа
- Серхио Рамос — 70,461 дақиқа
- Лионель Месси — 70,022 дақиқа
- Рауль Албиол — 63,541 дақиқа
- Дани Алвес — 63,066 дақиқа
Маълумот учун, Криштиану Роналду футболчилик фаолияти давомида 1300 учрашувда майдонга тушиб, 956 гол ва 260 та голли узатмани амалга оширган. Лионель Месси эса 1137 учрашувда 896 гол уриб, 407 та голга ассистентлик қилган.
Португалия терма жамоаси сардори Саудия Про лигасининг жорий мавсумида 12 та гол киритган ва тўпурарлар пойгасида жамоадоши Жоау Феликс билан пешқадамлик қилмоқда.
