Англиянинг “Ливерпуль” клуби узоқ йиллардан бери жамоа шарафини ҳимоя қилиб келаётган Муҳаммад Салоҳга муносиб ўринбосар қидирмоқда. “Liverpool Echo” нашри хабарига кўра, мерсисайдликлар мисрлик футболчининг ўрнига “Борнмут” етакчиси Антуан Семеньо сотиб олишни истамоқда.
Манбада ёзилишича, “Ливерпуль” Семеньони қишки трансфер ойнаси вақтида ўз сафига қўшиб олишни режалаштирмоқда. Клуб бу учун 60 миллион евро тўлашга тайёр. Шунингдек, қўшимчасига 5 миллион фунт стерлинг бонус ҳам кўзда тутилган.
Ёзги трансфер ойнаси вақтида футболчига “Тоттенҳэм” ҳамда “Манчестер Юнайтед” каби клублар қизиқиш билдирган эди. Аммо “Борнмут” Семеньо билан янги 5 йиллик шартнома имзолади. Шу билан бирга янги битимда футболчи истаса, клуб уни қўйиб юборишга мажбур бўладиган махсус банд мавжуд. “Ливерпуль” эса айнан шу бандни фаоллаштириб, Антуанни ўз сафига қўшиб олмоқчи. “Борнмут” футболчи бўйича бир қарорга келмаган. Аммо уни июнгача жамоада сақлаб қолишни хоҳламоқда.
Маълумот учун, жорий мавсумда Семеньо Англия Премьер Лигаси доирасида жами 11 ўйинда иштирок этиб, 6 та гол ва 3 та голли узатма муаллифига айланди. Transfermarkt портали футболчининг қийматини 55 миллион еврога баҳоламоқда.
