Google Maps фойдаланувчилари Антарктидада кўпчилик НУЖ деб ҳисоблаган ғалати думалоқ объектни аниқлади. Бу ҳақда Daily Mail хабар қилмоқда.
Объект қирғоқдан тахминан 150 км узоқликда жойлашган бўлиб, атайлаб қоя остига яширилганга ўхшайди.
Америкалик уфолог Скотт С. Уоринг биринчи бўлиб бу топилмага эътибор қаратган ва обектнинг координаталари кўрсатилган тасвирларни эълон қилди. Унинг таъкидлашича, диск табиий шаклланиш учун “жуда ҳам силлиқ ва қора”. У яна объект А. Б. Доброволский номидаги қутб стансиясидан атиги олти мил узоқликда жойлашганини айтиб, бу топилманинг сирлилигини янада оширган.
Артефактнинг шакли ҳақиқатан ҳам фильмлар ва оммавий маданиятдаги анъанавий “ликопча”ларни эслатади. Четида ўзига хос йўл билан ўралган бир хил қора юза. Тасвирларда дискдан атрофдаги жинслар томон чўзилган ўзига хос чизиқларни кўриш мумкин, улар гўё уларни бир-бирига боғлаётганга ўхшайди.
Баъзи уфологлар, жумладан британиялик Филип Ментл, бу объектни биринчи марта кўраётганини ва унинг табиатини тушунтириб бера олмаслигини айтган. Буюк Британия Мудофаа вазирлигида ишлаган яна бир мутахассис Ник Поуп топилмани “ваҳимали” ва “қизиқарли” деб атаган, аммо бу тасвирнинг оддий бузилиши ёки парейдолия бўлиши, яъни, инсон мияси таниш шаклларни улар йўқ жойда кўриши мумкинлиги ҳақида огоҳлантирган.
Шунга қарамай, бу топилма фойдаланувчиларнинг хаёлини қўзғатишда давом этмоқда. Баъзилар Антарктика музликлари остида “йўқолган цивилизация” излари ҳақида гапирса, бошқалари Ердан ташқаридаги фаолиятнинг эҳтимолий излари ва Ердаги “НУЖ базаси” ҳақида фикр юритмоқда.
