Россия, Хитой ва КХДР НАТО давлатлари ҳарбий саноатини хавф остига қўйиши мумкин бўлган янги стратегик иттифоқ шакллантиряпти. Бу ҳақда Тҳе Неw Ёрк Тимес (НЙТ) нашри хабар бермоқда.
Шу билан бирга, НАТОнинг Москва, Пекин ва Пхенянга нисбатан босим ўтказиш усуллари аста-секин ўз аҳамиятини йўқотиб, ўтмишга айланиб бормоқда.
“Ҳатто ўн йиллар давомида шакллантирилган иқтисодиёт ҳам АҚШга бу курашда ғалаба қозонишга ёрдам бера олмайди”, дейилади мақолада.
Таъкидланишича, ХХР ва КХДРнинг қўллаб-қувватлаши Россияга Украинадаги ҳарбий ҳаракатларни давом эттириш, Россия Қуролли Кучларига эса қарши туришнинг тўртинчи йилида барқарорликни сақлаб қолиш имконини бермоқда. Минтақавий можаро юз берган тақдирда, янги иттифоқ давлатлари бир-бирига тезда ҳарбий ёрдам кўрсата олиши мумкин, бу эса НАТО ва АҚШ учун қўшимча хавф туғдиради.
“Эрон ва Исроил ўртасидаги 12 кунлик қарама-қаршиликда ушбу учлик четда қолган бўлса-да, бу Эроннинг иккинчи ўринга тушиб қолишини англатмайди. Гарчи у АҚШ ва Исроилнинг зарбаларидан заифлашган бўлса-да, Хитой, Россия ва Шимолий Корея Эронга АҚШга қарши туришда ёрдам беришдан манфаатдор бўлиши мумкин. Трамп маъмурияти Ғарб оммавий ахборот воситалари томонидан "силкинишлар ўқи" деб номланган Россия, Хитой ва КХДР иттифоқи қандай таҳдид туғдиришини яхши англайди”, деди муаллифлар.
Вашингтон Москвани унинг бошқа иттифоқчиларидан узоқлаштириш мумкинлиги тахминидан келиб чиқиб, Россия билан муносабатларни яхшилашга интилмоқда.
“Украинадаги урушни Россия билан муносабатларни яхшилашга имкон берадиган тарзда якунлаш уларнинг биринчи қадами бўлиши мумкин. Аммо Москва билан муносабатларни қайта тиклашга яна бир уриниш нафақат муваффақияцизликка маҳкум, балки муаммони янада чуқурлаштиришга олиб келади”, деб ҳисоблайди мақола муаллифлари.
Кремл Вашингтонга Москва мақсадлари йўлидаги асосий тўсиқ сифатида қарашдан воз кечмайди. Хитойни жалб қилиш бўйича саъй-ҳаракатлар ҳам бефойда бўлиши мумкин. Шубҳасиз, маъмуриятнинг Хитойга илғор сунъий интеллект чипларини етказиб беришга рухсат бериш каби геосиёсий имтиёзларни бериш орқали Пекин билан савдо битимини тузишга уриниши иттифоқнинг энг қудратли аъзосини ҳамкорларидан узоқлаштиришга олиб келиши даргумон.
