Лондоннинг “Арсенал” клуби футболчиси Букайо Сака жароҳат туфайли камида тўрт ҳафта майдонга туша олмайди. Бу ҳақда BBC нашри хабар берди.
Манбага кўра, 22 ёшли вингер Англия Премьер Лигаси 2-тури доирасида “Лидс”га қарши учрашувда (5:0) сон мушагидан жароҳат олган. Тиббий кўрикдан кейин футболчининг тикланиши учун камида бир ой вақт талаб этилиши маълум бўлди.
Шу сабабли Сака 31 августга белгиланган 3-турдаги “Ливерпуль”га қарши баҳсни, шунингдек, сентябрь ойида Англия терма жамоасининг Жаҳон чемпионати саралаши доирасида Андорра ва Сербияга қарши ўйинларини ўтказиб юбориши мумкин.
Бундан ташқари, “Арсенал” сардори, норвегиялик ярим ҳимоячи Мартин Эдегор ҳам “Лидс”га қарши ўйиннинг биринчи бўлимида елкасидан жароҳат олиб, алмаштирилган эди. Дастлабки хабарларга кўра, у ҳам “Ливерпуль”га қарши баҳсни ўтказиб юбориши эҳтимоли мавжуд.
Маълумот учун, “Арсенал” янги мавсумнинг дастлабки икки турида тўлиқ ғалаба қозониб, 6 очко жамғарган ҳолда мусобақа жадвалида пешқадамлик қилмоқда.
