Футбол бўйича Ўзбекистон Суперлигасининг 7-туридан ўрин олган қолдирилган учрашув 2 июль, чоршанба куни бўлиб ўтди. Учрашув Самарқандда – “Динамо” – “Нефтчи” жамоалари ўртасида кечди.
Ўйинда ҳисоб 24-дақиқада очилди. Иброҳимҳалил Йўлдошевнинг голи биринчи бўлимда ягоналигини сақлаб қолди. Иккинчи бўлимда ҳам ҳар икки жамоада қатор вазиятлар яратилди. Ундан ҳам фарғоналиклар унумли фойдаланди.
78-дақиқага келиб Аброрбек Исмоилов ҳисобни иккитага оширди. Учрашувда ҳисоб бошқа ўзгармади ва фарғоналиклар ғалабага эришди.
Мазкур ғалаба билан фарғоналиклар 27 очко билан 3-ўринни эгаллаб турибди. Самарқандликлар эса 28 очко билан 2-поғонадан жой олган.
Суперлига
7-тур (қолдирилган учрашув)
2 июль, чоршанба
“Динамо” — “Нефтчи” 0:2
Голлар: Иброҳимҳалил Йўлдошев, 24 (0:1), Аброрбек Исмоилов, 78 (0:2)
