Таиланднинг Пҳукет оролида будда роҳиби Ват Кҳао Рунг ибодатхонасида ўз ҳамкасбини отиб ўлдирди. Бу ҳақда Bangkok Post хабар бермоқда.
Маълум қилинишича, фожиа 29 июнь куни тонготар пайтда содир бўлган. 47 ёшли роҳиб Пҳра Чаряк 36 ёшли Пҳра Наритани монастир турар жой биносининг ҳожатхонасида ўлдирган. Қурбоннинг танасида тўртта ўқ жароҳати топилган. Жиноят жойидан полиция 38 калибрли револвернинг тўртта гилзаси ва ўқ жойлаш мосламасини топган.
Гумонланувчи ўз ҳужрасига яширинишга уринган, бироқ полиция бинони ўраб олганидан сўнг таслим бўлган. Тинтув пайтида ундан ўқланган револвер ва 14 та ўқ мусодара қилинган. Сўроқ чоғида роҳиб қотилликни тан олган ва буни марҳум уни доимий равишда таъқиб қилгани ҳамда камситгани билан изоҳлаган. Гумонланувчининг айтишича, сўнгги томчи тонготарда ҳожатхонада жабрланувчининг хатти-ҳаракати бўлган.
Таъкидланишича, ҳодиса Таиландда қурол тўғрисидаги қатъий қонунларга қарамай содир бўлган. Фуқаролар 38 калибргача бўлган револверларни қонуний равишда сотиб олишлари мумкин бўлса-да, мамлакатда бундай жиноятлар камдан-кам учрайди.
Таиланд Ички ишлар вазирлигининг статистик маълумотларига кўра, ҳар йили тахминан 2,5-2,8 минг киши ўқ жароҳатлари туфайли ҳалок бўлади, аммо аксарият ҳолатлар жиноятчи гуруҳлар ўртасидаги тўқнашувлар билан боғлиқ.
Қайд этилишича, бу воқеа сўнгги йилларда будда роҳибининг бундай шафқатсиз жиноят содир этган кам сонли ҳолатлардан бири бўлган. Маҳаллий ҳокимият диний муассасаларда хавфсизликни текширишни бошлаган.
Бундан аввал Бразилияда икки ёшли бола отасининг қуролини ўйнаб, тасодифан онасига ўқ узиши оқибатида 27 ёшли Дебора Родригес вафот этганди.
