Ўзбекистон миллий терма жамоаси ва Москванинг “ЦСКА” клуби вингери Аббосбек Файзуллаев фаолиятини Туркия Суперлигасида давом эттириши мумкин.
Журналист Эртан Сюзгюнга кўра, футболчи Истанбулнинг “Башакшеҳир” клубидан таклиф олган.
Маълумот учун, Файзуллаев ўтган мавсумда “ЦСКА” сафида 39 та ўйинда қатнашиб, 3 та гол урган ва 8 та голли узатма муаллифи бўлган.
Аввалроқ, Элдор Шомуродовга ҳам Истанбулнинг “Башакшеҳир” клуби жиддий қизиқиш билдираётгани ҳақида хабар берилганди. Шомуродовни Туркиянинг бошқа номдор клублари — “Галатасарой”, “Фенербаҳче”, “Бешиктош” ва “Трабзонспор” ҳам ўз сафига қўшиб олишни истамоқда. Аммо айнан “Башакшеҳир” ўзбекистонлик футболчи билан шартнома имзолашга энг яқин турибди.
