“Манчестер Сити” ва “Барселона” клубларининг собиқ ҳужумчиси Серхио Агуэро машҳур стример IShowSpeed билан суҳбати чоғида “Ан-Насср” футболчиси Криштиану Роналдунинг Клублар ўртасидаги Жаҳон чемпионатида иштирок этмаётганини эслатиб ўтди.
Суҳбат қуйидаги тарзда кечган:
— Агуэро: “Сен Роналдунинг мухлисисан, тўғрими?”
— IShowSpeed: “Ҳа!”
— Агуэро: “Бу танловга ҳурматим бор, у яхши футболчи. Лекин мен Мессини танлайман.”
— IShowSpeed: “Мен эса Роналдуни танлайман.”
— Агуэро: “Ҳа, лекин Роналдунинг Клублар ўртасидаги Жаҳон чемпионатида ўйнаяптими?”
— IShowSpeed: “Йўқ…”
— Агуэро (кулиб): “Балки у мусобақани телевизорда кўраётгандир.”
Маълумот учун, Лионель Месси айни дамда “Интер Майами” сафида 2025 йилги Клублар ўртасидаги Жаҳон чемпионатида иштирок этмоқда. 14 июнь куни бўлиб ўтган турнир очилиш ўйинида “Интер Майами” Мисрнинг “Ал-Аҳли” клуби билан дуранг (0:0) ўйнади.
