Бельгия терма жамоаси ярим ҳимоячиси Кевин Де Брюйне “Манчестер Сити”дан “Наполи” клубига ўтиш арафасида турибди. Журналист Фабрицио Романонинг хабар беришича, футболчи шартнома имзолаш учун Италияга етиб келган.
Манбага кўра, футболчини олиб келган самолёт 12 июнь, пайшанба куни Рим шаҳрига қўнган. 33 ёшли Неапол клуби учун тиббий кўрикдан ўтади ва шундан кейин шартнома имзолаши кутилмоқда.
Аввалроқ Фабрицио Романо белгиялик футболчининг “Манчестер Сити”дан “Наполи”га ўтиши бўйича барча музокаралар якунланганини ва битим тўлиқ келишилганини маълум қилган эди. Унга кўра, янги шартнома икки йилга мўлжалланган бўлиб, футболчининг йиллик маоши 5 миллион еврони ташкил этади.
https://twitter.com/fabrizioromano/status/1933069183278866564
Маълумот учун, ўтган мавсум Де Брюйне “Манчестер Сити” сафида 40 та ўйинда майдонга тушиб, ўз ҳисобига 6 та гол ва 8 та ассист ёздириб қўйган.
