Германиялик мураббий Ханс-Дитер Флик “Барселона” билан келишувни узайтирди. Бу ҳақда клуб матбуот хизмати хабар берди.
Маълум қилинишича, Фликнинг Каталония клуби билан янги шартномаси 2027 йилгача мўлжалланган.
Германиялик мутахассис “кўк-анорранглилар”ни 2024 йил ёзидан буён бошқариб келмоқда.
Маълумот учун, Флик жорий мавсумда учта совринни қўлга киритди. Булар – Ла Лига, Испания Кубоги ва Испания Суперкубоги.
