Ўзбекистон Суперлигаси 9-тури доирасидаги “Андижон” — “Нефтчи” учрашуви якунига етди. Қизиқарли ва кескин курашлар остида ўтган баҳсда фарғоналиклар ғалаба қозонди.
Учрашувда тезкор гол киритилди. Баҳснинг 11-дақиқасида Фарруҳ Сайфиев беллашувдаги ҳисобни очди. Иккинчи бўлимнинг 60-дақиқасида “Нефтчи” ўзининг иккинчи голини киритди. Гол муаллифи — Жамшид Искандеров.
Мазкур натижа учрашув якунига қадар ўзгармади ва Фарғона клуби 2:0 ҳисобида ғалаба қозониб, ўз ҳисобига 3 очко қўшиб қўйди.
Қўлга киритилган ғалабадан кейин “Нефтчи” ҳисобидаги очколар сони 15 баллга етди ҳамда турнир жадвалида 5-поғонага чиқиб олди. “Андижон” эса 9 очко билан 12-ўринни банд этган.
Ўзбекистон Суперлигаси
9-тур
9 май, жума
“Андижон” — “Нефтчи” 0:2
Голлар: 0:1 — Сайфиев (11), 0:2 — Искандеров (60)
