Европа Лигаси ярим финал жавоб баҳслари якунланди. Унда “Будё/Глимт” — “Тоттенҳэм” ҳамда “Манчестер Юнайтед” — “Атлетик” жамоалари финал йўлланмасига эга чиқиш учун кураш олиб борди.
Манчестердаги баҳсда мезбонлар яна йирик ҳисобда ғалаба қозонди. Дастлаб, испан клуби ҳисобни очишни уддалаган бўлса-да, Рубен Аморим шогирдлари 4 гол билан жавоб қайтарди. Умумий 7:1 ҳисобида ғалаба қозонган манкунианликлар финал чиптасини қўлга киритди.
Иккинчи баҳс Норвегияда бўлиб ўтди. Будё шаҳрига сафар уюштирган “Тоттенҳэм” иккинчи баҳсда ҳам ғалаба қозонди.
Учрашувдаги голларга Соланке ва Педро Порро муаллифлик қилди. Икки ўйин натижасига кўра, умумий 5:1 ҳисобида ғалаба қозонган “шпорлар” Европа Лигасининг иккинчи финалчисига айланди.
“Тоттенҳэм” — “Манчестер Юнайтед” ўртасидаги ҳал қилувчи баҳс 21 май оқшомида Бильбаодаги “Сан Мамес” стадионида бўлиб ўтади.
Европа Лигаси
Ярим финал, жавоб баҳслари
8 май, пайшанба
“Манчестер Юнайтед” — “Атлетик” 4:1 (биринчи учрашув 3:0)
Голлар: 0:1 — Микель (31), 1:1 — Маунт (72), 2:1 — Каземиро (80), 3:1 — Ҳойлунд (85), 4:1 — Маунт (90+1).
“Будё/Глимт” — “Тоттенҳэм” 0:2 (биринчи учрашув 1:3)
Голлар: 0:1 — Соланке (63), 0:2 — Порро (69).
