Актриса Ким Се Рон вафоти билан боғлиқ янгиликлар корейс шоу-бизнесига қизиқадиган барча томошабинларни ҳайратда қолдирди. Дарҳақиқат, Жанубий Корея кино саноати истеъдодли актёрлар ва кутилмаган сюжетларга бой драмалардан ташқари, турли можаролар ҳамда шов-шувли воқеалар билан бой.
Фото: People
Пак Мин Ёнг
“Сонгюнгвандаги можаро” ва “Котиба Кимга нима бўлди?” каби сериаллардаги роли туфайли танилган Пар Мин Ёнг 2022 йилда жиноятчиларга ёрдам берганликда гумонланиб, қамоққа тушишига оз қолган.
Аслида бундай бўлган эди: Пак нуфузли бизнесмен билан учраши, тез орада унга кўнгил қўяди. Кейинчалик маълум бўлишича, у криптовалюта биржасига эга эканлиги аниқланган, сўнг ўзгалар маблағини ўзлаштириш ва порахўрлик каби жиноятларда айбланиб, ҳибсга олинган. Минг Ёнг эса бу ишларга аралашганликда гумон қилинган. Актриса икки йил давомида обрўсини тиклашга ҳаракат қилди ва 2024 йилда кинога қайтди.
Ким Сон Хо
Ким Сон Хо 2021 йилда “запрет”га тушган. Актёрнинг собиқ севгилиси Чхве уларнинг ўзаро муносабатлари ҳақида маълумот бергач, актёрнинг миллионлаб мухлислари ундан юз ўгирган. Аниқланишича, Ким уни ҳақорат қилган ва ҳатто ундан аборт қилишни талаб қилган. Бу хабарлардан сўнг Ким Сон Хо реклама шартномаларини қўлдан бой берди ва машҳур шоуларда иштирок этиши тақиқланди.
Маълум вақт ўтгач, Диспатч нашри бу даъволар ёлғон эканлиги хабар қилди. Уларнинг иккиси ҳам аввалдан абортга рози бўлишган, Ким Сон Хо ҳатто шароит тақозоси билан Чхве билан турмуш қуришга тайёр бўлган. Бу фактлар аниқланиши билан Ким Сон Хо актёрликка қайтди ва обрўсини тиклаб олди.
Нам Жу Хёк
2020 йилда актёр ва модел Нам Жу Хёк безориликда айбланган. Унинг собиқ синфдоши уни олти йил давомида таҳқирлаганини ҳамда унинг психиатрия клиникасида даволанганини маълум қилган. Аммо Нам Жу Хёкка тегишли агентлик унинг шарафини ҳимоя қилди. Актёрнинг синфдошлари ҳам уни қўллаб-қувватлади. Натижада даъвогарнинг ўзи катта миқдорда жарима тўлашга мажбур бўлди.
Сон Ҳа Юн
2024 йил бошида JTBC телеканали актриса Сон Ҳа Юн нафақат экранда ёзув одамларни ўйнай олиши, балки ёшлигида мактабдаги синфдошларини ҳам ҳақорат қилгани ҳақида хабар берди. Яна бир аноним даъвогарнинг айтишича, актриса 20 йил аввал уни болалар майдончасида калтаклаган ва бошқа ўқувчилар ҳам унинг зулмларига чидаб келган.
Актрисанинг агентлиги бундай маълумот тарқатган одамлар билан боғлана олмади, лекин Сон Ҳа Юнга нисбатан томошабинлар салбий муносабатда бўлишни бошлади.
Ли Чже Ук ва Карина
Актёр Ли Чже Ук ва Аэспа гуруҳининг аъзоси Каринанинг қисқа давом этган муносабатлари кучли нафрат тўлқинини келтириб чиқарган. Биринчидан, хонанданинг мухлислари қаллиғини унга раво кўришни истамади, иккинчидан, уларни шунчаки пиар қилганликда гумонсирашди.
Охир-оқибат Карина ўз муносабати учун мухлисларидан очиқчасига узр сўради: “Барчангизни ҳайратда қолдирганимдан жуда афсусдаман. Мен сизни яна хафа қилишимдан қўрқсам ҳам, буни ёзяпман. Хуллас, бугун мухлисларимдан чин дилдан кечирим сўрайман” деди. Актрисанинг ўзини бундай тутиши янада кўпроқ салбий муносабат келтириб чиқарди. Натижада Ли Чже Ук ва Карина ажрашди.
