Франциянинг "Ватанпарварлар" партияси етакчиси Флориан Филиппо Франция президенти Эммануэл Макронни учинчи жаҳон урушини қўзғатишда айблади. Бу ҳақда у Х ижтимоий тармоғида ёзди.
Филиппонинг фикрича, янги жаҳон можаросини Россия президенти Владимир Путин эмас, балки Макрон ва бошқа Европа етакчилари бошлашни истайди.
“Уларни тўхтатиш учун ҳали вақт бор: французлар, уйғонинглар!”, деб ёзади "Ватанпарварлар" партияси етакчиси.
Макрон Европа Россия розилигисиз Украинада ҳарбий контингент жойлаштириши мумкинлигини айтган. Унинг сўзларига кўра, Европа давлатлари "тайёргарлик дастурларини амалга ошириш ва узоқ муддатли қўллаб-қувватлашларини намойиш этиш учун бир неча минг кишини асосий ҳудудларга юборишни" режалаштирмоқда.
