Футбол бўйича Элит Осиё Чемпионлар Лигаси 1/8 финал доирасидаги “Ал-Ҳилол” — “Пахтакор” баҳси 11 март, сешанба куни бўлиб ўтди.
Риёддаги “Кингдом Арена” стадионида бўлиб ўтган баҳсда майдон эгалари 4:0 ҳисобида ғалаба қозонди.
Учрашувдаги ҳисоб 31-дақиқада Ҳамад Ал Ями томонидан очилди. 42-дақиқада эса риёдликлар қарши ҳужумдан ҳисобни 2:0 кўринишига келтириб қўйди.
Иккинчи тайм бошида Салим ал Довсари пенальтидан “Пахтакор” дарвозасига жамоасининг 3-голини киритди. Учрашув якуни арафасида эса Носир ал Довсари “Ал-Ҳилол”нинг навбатдаги голини уриб, жамоасига 4:0 ҳисобидаги йирик ғалабани тақдим этишда ўз ҳиссасини қўшди.
Икки ўйин натижасига кўра, 1:4 ҳисобида мағлуб бўлган “Пахтакор” Осиё Чемпионлар Лигасидаги ўз юришини якунлади. “Ал-Ҳилол” эса чорак финал йўлланмасига эга чиқди.
Элит Чемпионлар Лигаси
1/8 финал
11 март, сешанба
“Ал-Ҳилол” - “Пахтакор” 4:0
Голлар: 1:0 — 31, Ҳамад, 2:0 — 42, Малком, 3:0 — 51, Ал Довсари (пенальти), 4:0 — 90+2, Носир ал Довсари
“Пахтакор”: Жонатан, Алижонов, Азмиддинов, Абдуллаев, Адҳамзода (Саидов, 86), Бўриев, Лукка, Ҳолматов (Иброҳимов, 67), Фламарион (Жўрақўзиев, 86), Ҳамдамов (Ресан, 46), Риаскос (Сергеев, 46).
“Ал-Ҳилол”: Буну, Кулибали (Ҳалиф, 81), Невеш, Леонардо (Носир, 74), Ҳарби (Лоди, 73), Каё Сезар (Ғаннам, 88), Канно, Салим Давсари, Малком (Ал-Ҳамдам, 88), Тамбакти, Ҳамад.
