Футбол бўйича Италия Кубоги чорак финалидан ўрин олган марказий баҳсда “Милан” “Рома”ни қабул қилди ва 3:1 ҳисобида ғалаба қозонди.
Учрашувда Ўзбекистон миллий жамоаси сардори Элдор Шомуродов дастлабки дақиқалардан майдонга тушди ва бир бўлим тўлиқ ҳаракат қилди. Ушбу давр мобайнида футболчи 4 бор рақиблар дарвозасига зарба берди. Уларнинг иккитаси ҳимоячилар томонидан қайтарилди, бир зарба дарвозабон томонидан бартараф этилди яна бири эса аниқ етиб бормади.
Sofascore Шомуродовнинг ўйинини 6,3 баллга лойиқ кўрди. “Рома” ҳимоячиси Ндика жамоа таркибида энг паст балл олди — 6,1 балл. Асосий таркибда Элдорнинг ҳужумдаги шериги Дибала 7,7 балл олган.
Дубль қайт этган “Милан” футболчиси Абраҳам ўйиннинг энг яхши футболчиси дея эътироф этилган — 8,2 балл. Яна бир “Милан” футболчиси Тео Эрнандез ҳам энг юқори (8,2) балл олган.
Маълумот учун, “Россонери” финал йўлланмаси учун “Интер” — “Лацио” жуфтлиги ғолибига қарши ўйнайди.
