Бразилиялик футболчи Марсело 37 ёшида фаолиятини якунлади.
Ҳимоячи узоқ йиллар мобайнида “Реал Мадрид”даги фаолиятидан мухлисларга яхши таниш бўлиб улгурган.
Футболчи фаолиятининг илк (2005—2006) ва охирги йилида (2023—2024) “Флуминенсе”да ўйнади. 2007 йилдан 2022 йилга қадар эса Мадрид клубида фаолият олиб борди. Шунингдек, 2022/23 йилги мавсумда Грециянинг “Олимпиакос” жамоасида тўп сурди.
Марсело фаолияти давомида жами 31 та соврин ютди.
