Кеча, 8 январь куни “Манчестер Юнайтед”нинг англиялик ҳужумчиси Маркус Рэшфорд ва “Милан” директорлар кенгаши вакиллари ўртасида илк учрашув бўлиб ўтди. Бу ҳақда журналист ва инсайдер Фабрицио Романо Х (собиқ Twitter) ижтимоий тармоғида хабар берди.
Манбага кўра, учрашув давомида трансфер борасида муҳокама бўлмаган, “Милан” ўз лойиҳасини тақдим этган, бироқ ҳали футболчига расмий таклиф билан чиқмаган.
Қайд этилишича, Италия клуби ижара нархни ўрганмоқда. Бундан ташқари, футболчига “Ювентус” ва Дортмунднинг “Боруссия” клублари қизиқиш билдиришда давом этмоқда ва футболчининг вакиллари улар билан ҳам учрашиш ниятида.
Рэшфорд жорий мавсумда “Манчестер Юнайтед” сафида барча турнирларда 24 та ўйинда майдонга тушиб, 7 та гол урди ва 3 та голли узатмани амалга оширди. Футболчининг клуб билан шартномаси 2028 йилнинг ёзига қадар амал қилади. Transfermarkt интернет порталига кўра, футболчининг тахминий баҳоси 55 миллион еврони ташкил қилади.
