Қиш фаслида ушбу афсонавий комедияни яна бир бор томоша қилиш учун сабаблар жуда кўп. Қуйида келтирилган фактлар билан танишиб чиққанингиздан сўнг, Янги йил ҳақидаги мазкур оилавий фильмни янада кўпроқ қизиқиш ва завқ билан кўришингиз шубҳасиз.
“Бак амаки” фильми бўлмаганида эди, “Уйда ёлғиз” ҳам суратга олинмас эди
Америкалик режиссёр Жон Хьюз “Уйда ёлғиз” сценарий ғоясини “Бак амаки” фильмини суратга олиш жараёнида ўйлаб топган. Бу фильмда ҳам Маколей Калкин иштирок этган. Ундаги саҳналардан бирида у эшикдаги почта учун тирқишдан уйга келган энагани сўроқ қилган. Шунга ўхшаш эпизод “Уйда ёлғиз”да ҳам бор, унда Кевин уй ҳайвонлари учун мўлжалланган кичик эшикча орқали безориларнинг адабини беради.
Кевин Маккаллистер образи шахсан Маколей Калкин учун ўйлаб топилган
Жон Хьюз бош рол учун дарҳол Калкинни танлаган. Аммо Крис Колумб мазкур рол учун юздан ортиқ ёш актёрларни синовдан ўтказган. Охир-оқибат Калкин барибир энг яхши танлов эканини исботлади ва фильм касса даромадлари бўйича узоқ вақт рекорд натижаларни кўрсатди.
“Уйда ёлғиз” фильми Гиннес рекордлари китобига киритилган
Фильм илк дам олиш кунларида 17 миллион доллардан ортиқ даромадга чиққан ва 12 ҳафта давомида кассаларда биринчи ўринни эгаллаб турган. Бу кўрсаткич 1990 йилда суратга олинган фильмлар орасида рекорд бўлган. Шу сабабли комедия йилнинг энг кўп даромад олган лойиҳасига айланган. Шунингдек, “Уйда ёлғиз” 27 йил давомида комедиялар орасида энг кассабоп лойиҳа бўлиб келган.
Польшада “Уйда ёлғиз” фильмини севиб томоша қилишади
Польшада “Уйда ёлғиз” ҳар йили Рождество ва Янги йил байрамлари мавсумида миллий телевидениеда намойиш этилади. 2011 йилнинг ўзида мазкур фильмни 5 миллиондан ортиқ киши томоша қилган.
Дарахт устида қурилган уй вақтинчалик декорация бўлган
Маккаллистерлар уйи реал ҳаётда ҳам мавжуд бўлиб, 2024 йил охирида сотувга қўйилган эди. Ҳозирда ҳам мазкур уй сайёҳлар учун диққатга сазовор жойлардан бири бўлиб келмоқда. Аммо ҳовлидаги дарахт устидаги ёғоч уйча фильм учун махсус қурилган ва кейинчалик бузиб ташланган.
Роберт Де Ниро Гарри Лайм ролини рад этган
Жон Ловиц, Робер Де Ниро каби актёрлар ўғри Гарри ролига номзод бўлган, аммо улар таклифни рад этган. Жо Пеши ижросидаги ушбу қаҳрамон эса қойилмақом тарзда гавдалантирилган.
Фильмдаги тарантула ўргимчаги ҳақиқий эди
Кевиннинг Марв юзига заҳарли бўлган тропик ўргимчаги — тарантулани қўйган саҳнасида ҳақиқий ҳашаротдан фойдаланишган. Актёр Даниэль Стерн бу эпизод фақатгина бир марта суратга олиниш шарти билан рози бўлган. Ушбу саҳнада қаҳрамон овоз чиқармай бақириши лозим бўлган, чунки баланд шовқиндан ўргимчак қўрқиб кетиши ва актёрга зарар етказиши мумкин бўлган. Марвиннинг қичқирган овози эса кейинроқ ёзиб олинган.
Кевиннинг опаси ҳаётда дзюдо чемпиони бўлган
Ҳиллари Вулф 1994 йилда дзюдо бўйича ёшлар ўртасида жаҳон чемпиони бўлган ва АҚШнинг Олимпия жамоасида қатнашган. У “Уйда ёлғиз 2”дан кейин кинодаги карьерасидан воз кечган.
Кевин телевизорда томоша қилган фильм сохта бўлган
Кевин томоша қилган гангстерлар ҳақидаги фильм фақат “Уйда ёлғиз” учун махсус яратилган ва ҳаётда мавжуд эмас.
Фильмда сунъий қордан фойдаланилган, сўнг театрга ҳадя қилинган
Суратга олиш жараёнида яратилган сохта қор Чикагодаги опера театри учун совға қилинган ва кейинчалик бошқа фильмларда ҳам ишлатилган.
