Беларусь президенти Александр Лукашенко губернаторлар билан учрашувда 2025 йилги президентлик сайловлари вақтида ҳарбий куч ишлатиш мумкинлигини маълум қилди.
“Зарур бўлганда полиция, керак бўлганда тартиб ўрнатилиши учун ҳарбийларни қўрқмасдан жалб қилаверинглар”, деди Лукашенко.
Унга кўра, Беларусда сайлов комиссиялари аъзоларига ташқаридан босим ўтказишга уринишлар кузатилмоқда.
“Сайлов участкаларида сайлов комиссияларига ёрдам беринг, чунки ташқаридаги ярамаслар аллақачон бизнинг комиссия аъзоларига, айниқса раҳбариятга босим ўтказмоқда”, деди Лукашенко.
Беларусда президентлик сайловлари 2025 йил 26 январда бўлиб ўтади. Уларда иштирок этиш учун беш киши, жумладан, 1994 йилдан бери давлат раҳбари лавозимини эгаллаб келаётган ва еттинчи марта президентликка даъвогарлик қилаётган Лукашенко даъвогарлик қилмоқда.
2024 йил декабрь ойи ўрталарида Республика Марказий сайлов комиссияси МДҲ кузатувчилари миссияси Беларусдаги президентлик сайловлари бўйича иш бошлагани ҳақида хабар берганди.
