“Реал” клубининг 19 ёшли вингери Арда Гюлерга “Арсенал” ва “Ливерпуль” қизиқиш билдирмоқда. Бу ҳақда Caught Offside хабар қилмоқда.
Манба берган маълумотга кўраа, туркиялик футболчи ўйин амалиёти камлиги туфайли испан грандини тарк этиши мумкин. “Ливерпуль” ҳужумчиси Муҳаммад Салоҳнинг клубдаги келажаги ноаниқ бўлган бир шароитда Гюлер жамоага фойдали бўлиши мумкин, деб ҳисобламоқда. “Арсенал”19 ёшли футболчи Букайо Сака ўйнаётган позицияни мустаҳкамлашига ишонмоқда.
Жорий мавсумда Гюлер барча турнирларда 11 та ўйинда қатнашди, аммо самарали статистика қайд этмади. Футболчининг клуб билан тузилган меҳнат шартномаси 2029 йилнинг ёзига қадар амал қилади. Transfermarkt маълумотларига кўра, футболчининг бозор нархи 45 миллион еврони ташкил қилади.
