25 ёшли франциялик ҳужумчи Килиан Мбаппе тез орада “Реал”ни тарк этиши мумкин.
Defensacentral хабарига кўра, Мбаппе “ПСЖ”дан кўчиб ўтганидан кейин ўзини клубда бахтли ҳис қилмаяпти ва у ҳали унга қўйилган умидларни оқламаётганини тушунмоқда. Англия гранди “Ливерпуль” бундан унумли фойдаланишга тайёр. “Қизиллар” трансфер “бомба”сини тайёрламоқда ва француз футбол юлдузи учун “Реал”га 150 миллион евро таклиф қилиши мумкин.
Манба шунингдек, ҳамма нарсага қарамай, франциялик футболчи келажагини Мадрид клубида кўраётганини аниқлаган.
Ла Лиганинг жорий мавсумида Мбаппе “Реал” сафида ўнта ўйинда майдонга тушиб, 6 та гол урди.
Етакчи ОАВ хабарларига кўра, Англия клубининг сўнгги йиллардаги етакчиси ва асосий юлдузи Муҳаммад Салоҳ ёзда клубни тарк этиши керак.
Маълумот учун, Мбаппе шу ёзда “Реал Мадрид” жамоасига келиб қўшилди ва эркин агент сифатида шартнома имзолади.
