Футбол бўйича Англия чемпионатининг 9-туридан ўрин олган учрашув бўлиб ўтди. Унда “Арсенал” ўз майдонида “Ливерпуль” жамоаси билан куч синашди.
Учрашувнинг 9-дақиқасида Букайо Сака лондонликларни ҳисобда олдинга олиб чиқди. 18-дақиқада Виржил ван Дейк мувозанатни тиклади. Биринчи бўлим охирида Микель Мерино “канонирлар”нинг иккинчи голига муаллифлик қилди.
Иккинчи бўлимда эса жамоалар бир-бирининг дарвозаси олдида хавфли вазиятларни яратди. 81-дақиқага келиб, Муҳаммад Салоҳ ҳисобни тенглаштирди. Шу тариқа ўйин 2:2 ҳисобидаги жанговар дуранг билан якунланди.
Ушбу дурангдан кейин мерсисайдликлар 22 очко тўплади ва 2-ўринга тушди. “Арсенал” эса 18 очко билан 3-ўриндан жой олди.
АПЛ
9-тур
27 октябрь, якшанба
“Арсенал” — “Ливерпуль” 2:2
Голлар: 1:0 – 9 Сака, 1:1 – 18 ван Дейк, 2:1 – 43 Мерино, 2:2 – 81 Салоҳ.
“Арсенал”: Райя, Тимбер (Льюис-Скелли, 76), Габриэль (Кивер, 54), Уайт, Парти, Мартинелли (Нванери, 85), Мерино, Райс, Сака (Габриэль Жезус, 85), Ҳаверц, Троссард.
“Ливерпуль”: Келлеҳер, Робертсон (Симикас, 63), ван Дейк, Конате, Александер-Арнольд, Мак Аллистер (Собослаи, 63), Гравенберх, Диас (Гакпо, 63), Жонс (Эндо, 90+1), Салоҳ, Нуньес.
Огоҳлантиришлар: Мак Аллистер (33), Райя (66), Slot (72), Нуньес (90+4), Габриэль Жезус (90+8).
