Европа футбол клублари ва FIFPro (профессионал футболчилар вакилларини бирлаштирган глобал ташкилот) раҳбарлари бирлашиб, FIFA раҳбарияти устидан монополияга қарши органга шикоят қилди.
Манбага кўра, FIFPro ва Европанинг 37 лигаси биргаликда Брюсселдаги Еврокомиссияга шикоят аризаси билан мурожаат қилган, унда улар жаҳон футболининг бошқарув органи FIFA турнир ташкилотчиси сифатида ўз ваколатларини суиистеъмол қилаётгани ва футболчиларнинг саломатлиги ҳақида қайғурмаслигини даъво қилган. Бу иш меҳнат қонунлари ва футболчиларнинг дам олиш ҳуқуқига зид. Уюшманинг мақсадларидан бири ўйинчиларни соғломлаштириш учун мажбурий дам олиш даврини — йилига 3-4 ҳафта қилиб белгилашдир.
Маълумот учун, сўнгги ойларда тиғиз футбол тақвими мавзуси жуда кескин фикрлар билдирилмоқда. Ўтган ой “Манчестер Сити” ярим ҳимоячиси Родри ўйинчилар бу муаммо сабаб иш ташлашга яқин турганини айтган эди.
