Бутунжаҳон бокс ташкилоти (WBO) сентябрь ойи якунида янгиланган рейтингни эълон қилди.
Ундан 7 нафар ўзбекистонлик боксчи ўрин олди. Биринчи ўта енгил вазн тоифасида жанг қилувчи Ҳасанбой Дўстматов 2 поғона пастлади. Ўзбекистон бокс терма жамоасининг янги сардори ҳозирда 10-ўринга жойлашди. -50,8 кг вазн тоифасида жанг қилувчи Олимжон Назаров бир поғона юқорилаб 4-ўринда қайд этилди. Муроджон Аҳмадалиев ҳамда Бектемир Мелиқўзиев ҳам ўз ўринларидан пастлади. Шаҳрам Ғиёсов вазн пешқадамлигини сақлаб турибди.
- Ҳасанбой Дўстматов (биринчи ўта енгил вазн (-48,8 кг): ўтган ойдагидан 2 поғона пастлаб, 10-ўринга жойлашди;
- Олимжон Назаров (ўта енгил вазн тоифаси -50,8 кг) ўтган ойдагидан бир поғона юқорилаб, 4-ўринни эгаллади;
- Муроджон Аҳмадалиев (биринчи ярим енгил вазн тоифаси -55,3 кг) ўтган ойдагидан 3 поғона пастлаб, 8-ўринни эгаллади;
- Муҳаммад Шейхов (биринчи ярим енгил вазн тоифаси -55,3 кг) ўтган ойдагидан бир поғона юқорилаб, 5-ўринни эгаллади;
- Шаҳрам Ғиёсов (ярим ўрта вазн тоифаси -66,6 кг) ўтган ойдаги каби вазн пешқадами;
- Бектемир Мелиқўзиев (супер ўрта вазн - 76,2 кг) ўтган ойдагидан 2 поғона пастлаб, 11-ўринга жойлашди;
- Баҳодир Жалолов (супер оғир вазн - 90,7 кг) ўтган ойдагидек 15-ўринда қолди.
