Хави Алонсо Германия чемпионатининг ўтган мавсумдаги энг яхши мураббийига аталган совринга эга чиқди, Вирц эса энг яхши ўйинчи сифатида эътироф этилди.
Хаби Алонсо Бундеслиганинг энг яхши мураббийи сифатида “Кумуш ўриндиқ” билан тақдирланди.
Чемпионатда ғолиб бўлган “Байер” бош мураббийи футболчилар ассоциациясининг (ВDV) 84,1% овозини олди. Ташкилот Германияда ўйнаётган профессионал футболчилар манфаатларини ҳимоя қилади. Танловда Бундеслига, 2-Бундеслига, 3-лига ва минтақавий лигаларнинг барча ўйинчилари овоз беришда қатнашди.
Леверкузенликлар ярим ҳимоячиси Флориан Вирц эса Германия чемпионати 2023—24 йилги мавсумининг энг яхши футболчисига айланган “кумуш буца”га сазовор бўлди.
Шунингдек, “Байер”дан Вирц, Гранит Жака, Жонатан Та, Алекс Грималдо ва Жереми Фримпонг мавсумнинг рамзий жамоасидан ўрин олди. Чемпион жамоа ўйинчиларидан ташқари таркибга Ҳарри Кейн ва Жамол Мусиала (иккаласи ҳам “Бавария”), Серу Гирасси ва Валдемар Антон (иккаласи ҳам собиқ “Штутгарт”), Хави Симонс (“Лейпциг”) ва Грегор Кобел (“Боруссия”) киритилди.
Ўтган мавсумда Германия чемпионатида “Байер” клуби ҳеч қайси учрашувда мағлуб бўлмай чемпионликни қўлга киритди. Иккинчи ўриндаги “Штутгарт” клуби билан орадаги фарқ 17 очкони ташкил этди.
