Бутунжаҳон бокс ассоциацияси (WBA) август ойи якунларига кўра янгиланган рейтингни эълон қилди.
Ушбу рейтингдан 8 ўзбекистонлик боксчи ўрин олган бўлиб, уларнинг 3 нафари ўз вазн тоифаларида 1-ўринни эгаллаб турибди. Исроил Мадримов мағлубиятдан сўнг учинчи ўринга жойлашди.
Август ойи сўнгида янгиланган рейтинг қуйидагича кўриниш олди:
- Ҳасанбой Дўстматов — (минимал вазн) ўтган ойдаги сингари 1-ўрин;
- Муроджон Аҳмадалиев (биринчи ярим енгил вазн) — ўтган ойдаги сингари 1-ўрин;
- Муҳаммад Шехов (биринчи ярим енгил вазн) — 10-ўрин (ўтган ойда ҳам 10-ўрин);
- Отабек Холматов (ярим енгил вазн) — ўтган ойдаги сингари 5-ўрин;
- Ботир Аҳмедов (супер енгил вазн) — 13-ўрин (ўтган ойда ҳам худди шу ўрин);
- Шаҳрам Ғиёсов (ярим ўрта вазн) — ўтган ойдаги сингари 1-ўрин;
- Исроил Мадримов (супер ярим ўрта вазн) — 3-ўрин (ўтган ойда вазн чемпиони эди);
- Бектемир Мелиқўзиев (супер ўрта вазн) — 6-ўрин (ўтган ой 5-ўринда эди).
Маълумот учун, Мадримовнинг Теренс Кроуфордга қарши жанги 4 август куни Лос-Анжелесда бўлиб ўтганди. Жанг америкалик боксчининг очколар ҳисобига (115-113, 115-113, 116-112) кўра ғалабаси билан якунланган эди.
Профессионал боксда мағлубиятсиз ҳаракат қилаётган Шаҳрам Ғиёсов бугун, 1 август куни Мигел Перрага қарши жанг қилди. Ушбу жанг Лос-Анжелес шаҳрида бўлиб ўтди.
10 раунд давом этган жангда Шаҳрам Гиёсов очколар ҳисобида рақиби устидан ғалаба қозонди. Жанг тўлиқ ўзбекистонлик боксчи устунлигида ўтди. Якунда ҳакамлардан фақат биттаси Мигел Перранинг ғалаба қозонганини эътироф этди. Қолган икки ҳакам Шаҳрам Ғиёсов устунлигини қайд этди.
