Бокс афсонаси Майк Тайсон ўзбекистонлик боксчи Исроил Мадримовнинг Теренс Кроуфордга қарши ўтган жанги ҳақида ўз фикрларини билдириб ўтди.
“Теренснинг жанггига ташриф буюрдим. У сўнгги икки раундда қайта олганидан хурсандман. Мадримов у учун ноқулай рақиб эди.
Кроуфорд дуч келган рақиб билан жанг қилади деган гапларга унча қўшилмайман. Сен кейинги жангингдан маҳрум бўлмаслигинг учун ҳам яхши рақибларга қарши рингга кўтарилишинг лозим. Исроил рингда ўзини яхши томонлама кўрсата олди. Кроуфорд эса бунга кўникмаганди”, — дейди Тайсон.
Мадримовнинг Теренс Кроуфордга қарши жанги 4 август куни Лос-Анжелесда бўлиб ўтганди. Жанг америкалик боксчининг очколар ҳисобига (115-113, 115-113, 116-112) кўра ғалабаси билан якунланган эди.
Майк Тайсоннинг блогер Жейк Полга қарши жанги 15 ноябрь куни АҚШнинг Арлингтон шаҳридаги А&Т аренасида бўлиб ўтади.
