Профессионал боксда мағлубиятсиз ҳаракат қилаётган Шаҳрам Ғиёсов навбатдаги жангини 31 июль куни Мигел Перрага қарши жанг қилади. Ушбу жанг Лос-Анжелес шаҳрида бўлиб ўтади.
Ушбу кунда Исроил Мадримов ва Теренс Кроуфорд очиқ машғулотларда иштирок этади. Машғулотлардан сўнг эса кичик 3 та жангдан иборат бокс оқшоми бўлиб ўтади.
Шаҳрам сўнгги жангини февраль ойида Пабло Сезар Канога қарши ўтказиб, очколар эвазига ғалаба қозонганди. Ҳозирда Шаҳрам Ғиёсовнинг профессионал боксда 15 та ғалабаси мавжуд.
Аввалроқ ўзбекистонлик боксчи Шаҳрам Ғиёсов Мадримов—Кроуфорд кардида жанг қилиши мумкинлиги хабар қилинган эди.
Жанг 3 август куни бўлиб ўтади. Ҳозирда икки ўзбекистонлик боксчи Америкада машғулотларда қатнашмоқда.
