Нью Йоркнинг Бруклин шаҳрида ўзбекистонлик оила (қайнона, келин ва икки невараси) пичоқлангандан кейин ўлик ҳолда топилди. Бу ҳақда The New York Times хабар берди.
Ҳодиса 19 июль куни Бенсоҳурстдаги квартирада содир бўлган. Қурбонлар 56 ёшли Файзиева Мавлуда (қайнона), 27 ёшли Мафтуна Ҳакимова (келин), 5 ёшли Камила Шавкатова ва 4 ёшли Тимур Шавкатов (неваралар) ўлик ҳолда топилган. Қотилликда гумонланиб, 24 ёшли болаларнинг амакиси қўлга олинган. Полиция у руҳий хаста эканини айтмоқда.
Гумондор қотилликдан кейин онасини адёлга ўраган, жиянларини эса кийим-кечак қопига солиб, шкафга яширган. Қўшниси квартира эшиги олдида туриб, қўрқиб кетган болаларнинг “Мама” ва “Мом” деб қичқираётган товушларини ёзиб олган.
“Нега полицияга қўнғироқ қилмадим? Нега эшик олдига келмадим?”, дейди исмини айтишдан бош тортган қўшнининг отаси.
Қўшниларига кўра, қотилликда гумонланган эркак наркотик моддалар чеккан. Шу сабабли ғазабини жиловлай олмаган. Полицияга қотиллик ҳақида воқеа жойига етган келган гумондорнинг акаси хабар берган.
