Машҳур ирландиялик MMA жангчиси ва енгил вазн тоифасида собиқ икки карра UFC чемпиони Конор Макгрегор ҳамда 70 кг вазн тоифасида собиқ UFC чемпиони Майкл Чендлер ўртасидаги жанг расман бекор қилинди. Бу ҳақда UFC раҳбари Дана Уайт ижтимоий тармоқларда маълум қилди.
Маълумот учун, Макгрегор ва Чендлер ўртасидаги жанг 29 июнь куни Лас-Вегасда бўлиб ўтадиган UFC-303 турнири доирасида бўлиб ўтиши керак эди.
3 июнь куни лига раҳбарияти Дубльинда Конор Макгрегор ва Майкл Чендлер иштирок этиши керак бўлган матбуот анжуманини бекор қилди, бу эса жангнинг ўтказилмаслиги ҳақидаги миш-мишларнинг чиқишига сабаб бўлди.
Эслатиб ўтамиз, Макгрегор бундан олдин Дастин Порьега қарши иккита жанг ўтказган: 2021 йил январида ирландиялик спортчи иккинчи раундда нокаут билан ютқазган, ўша йилнинг июль ойида Конор жангда чап оёғини синдириб олади ва жангда яна техник нокаут билан мағлубиятга учрайди.
