“Катта Дубулға” мусобақаларининг 22 карра чемпиони, жаҳоннинг собиқ биринчи рақамли теннисчиси испаниялик теннисчи Рафаэль Надаль 2025 йилда ҳам теннисда қолиши мумкин. Бу ҳақда Clay Tenis хабар бермоқда.
Манбага кўра, Надаль бу йил турли жароҳатлар туфайли етарлича ўйнай олмагани учун 2025 йилда ҳам профессионал фаолиятини давом эттиришни режалаштирмоқда. У Испаниядаги турнирда бошқа ўйнамаслигини айтганида, айнан испан кортларини назарда тутган.
Эслатиб ўтамиз, жорий мавсумда Надал 11 та расмий ўйин ўтказиб, уларнинг 7 тасида ғалаба қозонган. Рафаэл Брисбенда (Австралия) Жордан Томпсон, Барселонада (Испания) Алекс де Минаур, Мадридда (Испания) Жири Легечка ва Римда (Италия) Хуберт Хуркачга ютқазди.
Маълумот учун, Рафаэль Надаль “Ролан Гаррос”нинг марказий Филипп Шатриэ кортида илк машғулотини ўтказди.
