Товуқ гўшти ва бринза қўшиб тайёрланадиган ҳазми енгил салат рецепти

Lifehacker нашри бринза, кўкат ҳамда товуқ гўшти таъмини уйғунлаштирган ҳазми енгил салат рецептини тақдим этди. Салат оиланинг барча аъзоларига манзур келиши шубҳасиз.

Керакли маҳсулотлар:

• товуқ филеси — 1 дона;
• бринза — 100-150 грамм;
• помидор — 3-4 дона;
• пиёз — 1 дона;
• исмалоқ — 70-80 грамм;
• зайтун мойи — 2-3 қошиқ;
• итальянча кўкатлар — 1/3 чой қошиқ;
• туз, мурч.

Тайёрланиш жараёни:

1. Товуқ филеси 20-25 дақиқа давомида қайнатиб олинади. Ёки товада қизартириб қовурилади.
2. Гўшт, бринза катта тўртбурчак, пиёз ҳалқа, помидор кичикроқ бўлак қилиб тўғралади.
3. Барча масаллиқ исмалоқ билан биргаликда идишга солинади.
4. Туз, мурч, итальян кўкатлари ва ёғ солиб, яхшилаб аралаштирилади.
5. Махсус идишларга солиниб, дастурхонга тортилади.

Ёқимли иштаҳа! Мавзуга доир:

• Ўз қўлингиз билан лимон ва кўкатли сариёғ тайёрлаб кўринг
• Мавсумий таом: сметанадан тайёрланадиган яхна шўрва — окрошка рецепти
• Атиги 5 дақиқа ичида кружка ичига солиб пишириладиган пицца рецепти
• Пишлоқ ва тухумдан тайёрланадиган ноодатий рулет рецепти