Хамири юмшоқ картошкали пирожки рецепти

Пирожки кўпчиликнинг севимли егулиги бўлишига қарамай, унга хамиртуруш қўшилишини ёқтиришмайди. Аммо «Бел новости» нашри тамоман бошқача рецепт билан бўлишди.

Керакли маҳсулотлар:

• ун — 400 грамм;
• кефир — 200 грамм;
• сметана — 2 ош қошиқ;
• тухум сариғи — 2 дона;
• истеъмол содаси — 0,5 чой қошиқ;
• ўсимлик ёғи — 1 ош қошиқ;
• картошка пюреси, туз ва шакар.

Тайёрланиш жараёни:

1. Идишга кефир, сметана, тухум сариғи солиниб, аралаштирилади ва бироз илитишга қўйилади.
2. Ун элакдан ўтказилади ва кефирли аралашма устидан оз-оздан солинади. Устидан истеъмол содаси, туз ва шакар қўшилади.
3. Охирида ёғ қўшиб, хамир қорилади ва 40 дақиқага тиндириш учун қўйилади.
4. Сўнгра хамир бир хил бўлакларга ажратилиб, ўрта қисмига картошка пюреси солинади.
5. Қиздирилган ёғда пирожкиларнинг ҳар томони қизаргунча қовуриб олинади.

Ёқимли иштаҳа! Мавзуга доир:

• Ифторлик дастурхони учун мол жигаридан мазали таом тайёрлаймиз
• Пишлоқ ва саримсоқли хуштаъм нон рецепти
• Ифторлик дастурхони учун ичига қийма солиб тайёрланадиган лавашли рулет рецепти
• Ифторлик учун пишлоқли егулик тайёрлаймиз