Мазаси оғизда қоладиган мурабболи пирог рецепти

Пирог учун одатий маҳсулотлар керак бўлади, фақатгина тайёрлаш усули бошқаларидан фарқ қилади.

Керакли маҳсулотлар:

• ун – 400 грамм;
• ваниль шакари– 1 ош ошиқ;
• қабартма – 1 чой қошиқ;
• сариёғ – 200 грамм;
• тухум – 3 дона;
• мураббо – 300 грамм;
• туз.

Тайёрланиш жараёни:

1. Ун элакдан ўтказилиб, шакар, ваниль, қабартма ҳамда туз билан аралаштирилади. Сариёғ қирғичдан ўтказилади.
2. Сўнгра қуруқ маҳсулотлар яхшилаб аралаштирилади. Устидан иккита тухум қўшиб, юмшоқ хамир қорилади.
3. Хамир 20-30 дақиқага музлаткичга қўйилади.
4. Печ 180 даражада қиздирилади. Хамирнинг 2/3 қисми ажратиб олинади ва думалоқ шаклда ёйилади.
5. Хамир думалоқ қолипга солингач, ортиб қолган четки қисмлари кесиб олинади.
6. Қолган хамир юпқа ёйилади ва 2-3 сантиметр кенгликда тасмалар кесиб олинади.
7. Думалоқ хамир юзасига қуюқ мураббо солинади. Хамирли тасмалар эса панжара шаклида мураббо устидан терилади.
8. Қолган тухум кўпиртирилиб, пирог устига суртиб чиқилади.
9. Пирог 30-35 дақиқа давомида юзаси қизариб чиққунча пиширилади.
10. Таъбга кўра, пирог юзасига шакар упаси сепиш мумкин.

Ёқимли иштаҳа! Мавзуга доир:

• Микротўлқинли печда пишириладиган брауни рецепти
• Юмшоққина туркча печенье – шекерпаре тайёрлаймиз
• Банан қўшиб тайёрланадиган асалли торт рецепти
• Ширинликни хуш кўрувчилар учун нонуштага мини-печеньелар тайёрлаймиз