Apple’нинг навбатдаги тақдимоти 20 апрель куни бўлади ўтади. Миш-мишларга кўра, унда янги AirPods тақдим этилади — тадбирдан бир неча кун олдин интернетда наушникларнинг «жонли» сурати пайдо бўлди, деб ёзади Hi-Tech.Mail.ru.
AirPods 3’да наушниклар шакли жиддий ўзгарган — «оёқча»си калталашиб, юқори қисми эса анча юмалоқлашган. Шунингдек, кейс ҳам ўзгарган бўлиб, тўрбурчаксимон шаклга кирган, бироқ шу билан бирга, у ихчам ва ҳар қандай ҳамёнга сиғади.
Овоз сифати ва функционаллигининг ўзгаргани тўғрисида ҳозирча маълумотлар йўқ. Эҳтимолий янгиликлардан бири — бу қиммат AirPods Pro’лардан мерос бўлиб қоладиган шовқинни фаол сўндириш функцияси.
Эслатиб ўтамиз, дастлабки AirPods наушниклари 2016 йилда iPhone 7 смартфонлари билан бирга тақдим этилганди — ўшандан буён наушниклар дизайни умуман ўзгаришсиз келмоқда, фақат автономлиги оширилган ва қўшимча функцияларга эга оралиқ версиялари чиққан. Шу сабабли Apple учинчи авлод AirPods’нинг кенг кўламли тақдимотига тайёрланмоқда. Мавзуга доир:
