УЕФА меҳмондаги гол қоидасини ўзгартириш устида ишламоқда, дея хабар қилмоқда The Telegraph.
Ҳозирда ташкилот доирасидаги мусобақалар плей-офф босқичида ушбу қоида амал қилади. Унга кўра, икки ўйин натижасига кўра ҳисоб тенг келиб қолган тақдирда сафарда кўпроқ гол урган жамоа кейинги босқичга йўл олади.
УЕФА кўриб чиқаётган ўзгаришга биноан ушбу қоида қўшимча бўлимлар тайинлангандан кейин ишламайди. Бу қоида фақат асосий вақт учун тааллуқли бўлади.
Шу билан бирга УЕФА ушбу қоидадан бутунлай воз кечиш таклифини рад этган. Сўнгги қарорни УЕФА ижроқўми чиқаради.
Ушбу қоида 56 йилдан бери амал қилиб келади.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
