Десерт учун хурмоли чиа-пудинг тайёрлаб кўринг

Десертнинг асосини, яъни пудингни кечки пайтда тайёрлаш керак. Тонгда эса бошқа масаллиқларни қўшиш билан ширинликни дастурхонга тортиш мумкин.

Керакли маҳсулотлар:

• Чиа уруғлари − 3 ош қошиқ;
• Сут − 230 мл;
• Асал − 1 ош қошиқ;
• Хурмо − 2 дона;
• Маккажўхори ёрмаси − 2 ош қошиқ;
• Мевалар, ялпиз  таъбга кўра.

Тайёрланиш жараёни

1. Чиа уруғи, сут ва асал аралаштирилади. Камида 2 соат, агар имкони бўлса 1 кечага музлатгичга қўйилади.
2. Хурмо меваси тозаланиб, бир хил массага айлангунча блендерда майдаланади.
3. Десерт учун махсус стаканга маккажўхори ёрмаси солинади ва устидан музлатгичда қуюқлашган аралашма қуйилади.
4. Устидан хурмо ва яна пудинг массаси қуйилади.
5. Тайёр бўлган пудинг мева ва ялпизлар билан безатилади.

Ёқимли иштаҳа! Мавзуга доир:

• Уй шароитида қандай қилиб йогурт тайёрлаш мумкин? Бу жуда осон
• Озарбайжонча қатиқли таом — довға пишириб кўринг
• Нонуштага шоколадли сирник тайёрланг