SpaceX ва Tesla бош директори Илон Маск, унда COVID-19’нинг «меъёрий ҳолати»и кечаётганини ва коронавируснинг ўзи эса шамоллашнинг бир тури деб эканини айтди. «РБК»нинг хабар беришича, бу ҳақда у Twitter’даги саҳифасида ёзган.
«Мендаги симптомлар — енгил шамоллаш аломатларидир, бунинг ажабланарли томони йўқ, чунки коронавирус шамоллашнинг бир тури», — деган Маск.
Коронавирусни аниқлаш учун топширган тестларини шарҳлар экан, у «Ҳар хил лабораториялардан мутлақо турлича натижалар» олаётганини таъкидлаган.
Аввалроқ Маск бир куннинг ўзида коронавирусни аниқлаш учун топширган тести натижасининг иккитаси ижобий, иккитаси салбий чиққанини маълум қилганди. Бунда у BD компаниясининг бир хил экспресс-тестидан фойдаланган ва барча таҳлилларни битта ҳамшира олган. Бу сафар у бошқа лабораторияда ПЗР-тестини топшириб кўришга қарор қилганини қўшимча қилган. Унинг натижаси 24 соатдан сўнг маълум бўлиши лозим эди.
Ўшанда ҳам Илон Маск унда оддий шамоллаш симптомлари кузатилаётганини айтган.АҚШ озиқ-овқат маҳсулотлари ва дори воситаларини назорат қилиш бошқармаси (FDA)нинг BD компанияси экспресс-тестлари (Илон Маск айнан шундай тестдан фойдаланган) ҳақидаги маълумотига кўра, антиген тестларнинг сезгирлик даражаси коронавирусни аниқлашга мўлжалланган молекуляр тестларникига нисбатан пастроқ.
«Бу тест салбий натижа бериши, яъни, COVID-19’ни юқтириб олган айрим одамларга нотўғри (сохта салбий) натижа чиқариб бериши мумкин», — дейилади FDA ахборотида. Бошқарма ахборотида таъкидланишича, агар антигенга топширилган тест салбий натижа берса, уни ПЗР услубига асосланган тест орқали текшириш лозим.
Жаҳонда коронавирус эпидемияси бошланган вақтда Илон Маск COVID-19 атрофида юзага келган ваҳимани аҳмоқлик деб атаган (шу баёнотидан бир ҳафта ўтиб у 5,5 миллиард доллар йўқотган эди), шунингдек, касаллик тарқалиши муносабати билан Калифорнияда карантин жорий этилишига қарши чиққан эди.
