Флагман смартфонларни ўзига хос услубда безаш билан танилган Россиянинг Caviar бренди Apple Watch Series 6 «ақлли» соатлар коллекциясини тақдим этди, деб хабар беради IXBT.
Apple Watch 6 Limited Edition номини олган коллекция титан, олтин ва бриллиант каби ноёб қимматбаҳо тошлар билан безатилган тўртта моделдан иборат. Тасмаларини ясаш учун эса табиий тимсоҳ терисидан фойдаланилган.
Энг қиммат модель — Apple Watch 6 Gold Diamonds. Ўз номига мутлақо мос бўлган соат корпуси 750 пробали олтин ва 100 дан орти бриллиантларга эга бўлган.
Беш нусхада ишлаб чиқариладиган моделнинг нархи қарийб 3 миллион рубль (39 минг доллар). Шунчаки таққослаш учун — бу пулга 73 та iPhone SЕ харид қилиш мумкин. Сериядаги қолган моделлар нархи 229 минг рублдан (3 минг доллар) бошланади.
Мавзуга доир: Caviar компанияси iPhone 12 Про Limited Edition — Муск бе он Марс смартфонини тақдим этди
Caviar компанияси бунга қадар смартфон-танк — iPhone Т-34’ни, Россия президенти Владимир Путиннинг портрети ва имзоси акс эттирилган iPhone 6bs’ни, АҚШ президенти Дональд Трамп шарафига тилла iPhone 7 каби ноёб моделларни тақдим этган.
