Словения ҳукумати коронавирус тарқалиши сабабли фуқароларга ўзлари яшайдиган ҳудудни тарк этишни тақиқлади. Бу ҳақда Meduza хабар берди.
Фуқаролар ўзлари яшайдиган шаҳарлардан фақат иш бўйича ёки оиланинг кекса аъзоларига қараш учун, шунингдек, тиббий асос мавжуд бўлганда чиқиши мумкин.
Чекловлар 27 октябрдан кучга киради ва камида бир ҳафта амал қилади.
Аҳолиси икки миллион кишини ташкил қиладиган Словенияда 26 октябрь куни коронавирус билан касалланиш бўйича 1130 та янги ҳолат аниқланган, ўтказилган тестларнинг 30 фоизи ижобий натижа билан чиққан.
Бунга қадар мамлакатда кетма-кет беш кун давомида коронавирус билан касалланиш бўйича кунига 1500 тадан ортиқ янги ҳолат аниқланган. Мавзуга доир:- Чехияда COVID-19 билан касалланишлар сони кўпайгани учун фуқароларнинг кўчада юришига чеклов қўйилади
- Данияда 10 кишидан ортиқ одамнинг бир жойда тўпланиши ва соат 22:00 дан кейин алкогол сотиш тақиқланди
- Дунёда коронавирус билан касалланганлар сони 43 млн кишидан ошди
- ЖССТ яқинда қайд этилган антирекорддан кейин COVID-19’га чалиниш ҳолатлари камайганини маълум қилди
