«Барселона» собиқ аъзоси, айни дамда «Удинезе» футболчиси Херар Деулофеу Роналдиньо ва Лионель Месси ҳақидаги фикрлари билан бўлишди.
Мен учун футбол тарихидаги энг яхшиси — Роналдиньо. У билан учрашганман. «Камп Ноу»даги қайсидир ўйинга келгандим. Роналдиньо эса менга яқинроқ жойда ўтирганди. Унутилмас воқеа бўлганди. Месси ҳам қойилмақом, у ҳам менга ёқади. Ярим йил давомида у билан бирга ўйнаганман. У жуда ёқимли инсон ва ажойиб футболчи. Уни бутун дунё билади. Херар Деулофеу, футболчиДеулофеу — «Барселона» академияси тарбияланувчиси. У клуб асосий таркибидан ўрин ололмаган. Ижара асосида «Эвертон, «Севилья», «Милан» клубларида ҳаракат қилган. 2018 йилда эса «Уотфорд»га сотиб юборилган. 2020 йилдан эса «Удинезе» аъзоси. Футболчи Испания миллий терма жамоасида тўртта ўйин ўтказиб, битта гол урган. Видео: Афсонавий Роналдиньонинг «Барселона» сафидаги барча голлари битта видеода
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
