Оддий лаваш хамиридан қандай қилиб пирог пишириш мумкин, деб ўйлаяпсизми? Бу жуда осон, қуйида бериладиган кетма-кетликларни бажариб, нонушта ёки тушлик учун иссиққина ва тўйимли пирог пиширинг.
- Лаваш хамири – 2-3 дона;
- Қийма – 600 гр;
- Карам – 700 гр;
- Пиёз – 2 дона;
- Сариёғ – 20 гр;
- Ўсимлик ёғи;
- Кашнич – 0,5 чой қошиқ;
- Туз, зираворлар.
Иш «начинка» тайёрлашдан бошланади.
Икки дона пиёз майда тўғралади ва тилларангга киргунча қовуриб олинади.
Карам майда тўғралади.
Пиёз устидан қийма қўшилади ва 10-15 дақиқа давомида қовурилади.
Алоҳида товада карам қовурилиб, туз ва зираворлар сепилади.
Қиймали аралашмага туз, зиравор ва кашнич солинади.
«Начинка» совитишга қўйилади.
Пирог қолипи сариёғ ёрдамида ёғланиб, 180-200 даража печда қиздирилади.
Лаваш хамири эни 2-3 сантиметр ва узунлиги 25 сантиметрга тенг бўлган тасмаларга бўлинади.
Тасма хамирлар қолипга бирин-кетин жойлаштирилади.
Қиймали аралашма хамирнинг устидан бир текисда жойлаштирилади. Унинг устидан хамир бироз қайтариб қўйилади.
Иккинчи қатламга карамли аралашма солинади.
Яна қиймали аралашмадан солинади ва хамирнинг усти букланади.
Аралашманинг юза қисми тўлиқ ёпилгандан сўнг устидан сариёғ солинади ва печга қўйилади.
Печда 180-200 даражада 20 дақиқа мобайнида пиширилади.
Антиқа пирог тайёр. Ёқимли иштаҳа!
