Сирдарёда Nexia катта тезликда бетон тўсиққа урилиб, ағдарилиб кетди. Ҳайдовчи воқеа жойида ҳалок бўлди

Сирдарё вилояти Мирзаобод туманида Nexia русумли автомобиль тезликни ошириши натижасида ЙТҲга учради, деб хабар бермоқда ИИВ ЙҲХББ.

Маълум қилинишича, 2020 йилнинг 7 сентябрь куни соат 00:50 ларда, Сирдарё вилояти Мирзаобод тумани ИИБ навбатчилик қисмига хабар тушган. Унга кўра, Мирзаобод тумани «Мирзачўл» МФЙ ҳудудидан ўтувчи 4Р-18А автомобиль йўлининг 1-километрида ҳайдовчи 1994 йилда туғилган Т.М. Nexia-3 автомобилида тезликни меъёридан оширган ҳолда ҳаракатланаётиб, йўлнинг бурилиш жойида бошқарувни йўқотган.

Автомобилнинг бетон тўсиққа урилиб, ағдарилиши оқибатида 26 ёшли ҳайдовчи Т.М. оғир тан жароҳатлари олиб, воқеа жойида вафот этган.

Мазкур ЙТҲ юзасидан терговолди суриштирув ишлари олиб борилмоқда. Мавзуга доир:

• Фарғонада Damas велосипедчини уриб кетди. Жабрланувчи шифохонада вафот этди
• Тошкентда уч машина иштирокидаги ЙТҲда бир киши вафот этди
• Бухорода тўйга кетаётган Toyota’нинг ЙТҲга учраши оқибатида 2 киши вафот этди