Goldman Sachs ва Morgan Stanley инвестиция банклари глобал инқироз бошланганини эълон қилди, деб ёзмоқда Bloomberg. Таҳлилчиларга кўра, ҳозир гап инқирознинг чуқурлиги ва мумкин бўлган давомийлиги ҳақида кетмоқда.
Мавзуга доир: Goldman Sachs Евроиттифоқ банкларининг коронавирус сабаб 30 млрд евро йўқотишини тахмин қилди
S&P рейтинг агентлиги 1-1,5 фоиз даражадаги ўсишни тахмин қилмоқда. Агентлик томонидан ўтказилган сўровда иштирок этган барча экспертлар инқироз 2008 йилдаги вазиятдагидек жиддий бўлмаслигини таъкидлаган. 2008 йилда глобал инқироз жаҳон ЯИМнинг 0,8 фоизга пасайишига олиб келган. Нашрнинг қайд этишича, таҳлилчиларнинг салбий прогнозлари кўплиги турли мамлакатлардаги молия органларини ишлаб чиқарувчилар ва кичик бизнесни қўллаб-қувватлаш чораларини кўришга ундайди.Мавзуга доир: Ўзбекистонда коронавирус сабабли зарар кўриши мумкин бўлган соҳаларда солиқ таътиллари берилиши режалаштирилмоқда
Ҳозирча кўпчилик ҳукуматлар ва марказий банклар ўсиб бораётган инқирозга муносабат билдирмаяпти. Базавий ставкасини деярли нолга туширган АҚШ Федерал захира тизими фавқулодда чораларни кўраётган кам сонли ташкилотлардан бирига айланди. Эслатиб ўтамиз, Ўзбекистон Марказий банки тижорат банкларига кредит олган тадбиркорларга коронавирус сабаб имтиёз даври беришни тавсия қилди. Шунингдек, март ойининг бошида Марказий банк қайта молиялаштириш ставкасини кўриб чиқиб, базавий ставкани ўзгаришсиз қолдирган ҳолда 16 фоиз деб белгилади.Мавзуга доир: Коронавируснинг иқтисодиётга таъсирини қандай кўрсаткичлар билан баҳолаган маъқул?
