Ла Лига. Мессининг голи «Барселона»га «Атлетико» устидан ғалаба келтирди (видео)

Футбол бўйича Испания Ла Лигасининг 15-тури доирасида 1 декабрь, якшанба куни 5 та беллашув ниҳоясига етди.

Турнинг марказий учрашувида Эрнесто Вальверде қўл остидаги Каталониянинг «Барселона» клуби Мадридда Диего Симеоне бошқарувидаги «Атлетико» жамаосига қарши майдонга тушди.

Тўқнашувдаги ягона голга «кўк-анорранглилар» етакчиси Лионель Месси 88-дақиқада муаллифлик қилди.

Шу тариқа «Барселона» меҳмонда кечган баҳсда «Атлетико»ни кичик ҳисобда мағлубиятга учратди ва 3 очкога эга бўлди.

Мазкур ғалабадан сўнг каталонияликлар очколари сонини 31 тага етказиб олди ва мусобақа жадвалида пеҳсқадамга айланиб олди. 6-ўринда бораётган «Атлетико» ҳисобида эса 25 очко мавжуд.

Ла Лига

15-тур баҳслари

1 декабрь, якшанба

«Севилья»—«Леганес» 1:0

Гол: 1:0 — 63 Диего Карлос

«Атлетик»—«Гранада» 2:0

Голлар: 1:0 — 41, пенальти Рауль Гарсия, 2:0 — 83 Берчиче

«Эспаньол»—«Осасуна» 2:4

Голлар: 1:0 — 20, пенальти Рока, 1:1 — 46 Рубен Гарсия, 1:2 — 49 Чими Авила, 1:3 — 84 Монкайола, 1:4 — 90, пенальти Роберто Торрес, 2:4 — 90 Кальери

«Хетафе»—«Леванте» 4:0

Голлар: 1:0 — 54 Кабрера, 2:0 — 60, пенальти Молина, 3:0 — 67 Анхель Родригес, 4:0 — 78 Тимор

«Атлетико»—«Барселона» 0:1

Гол: 0:1 — 86 Месси

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!