Қора денгизнинг Краснодар ўлкасида жойлашган Жубга қўрғончасига қарашли сувларида балиқчилар кемаси ёниб кетди, деб хабар беради «Коммерсант».
Ёнғин оқибатида кема сувга чўкиб кетган. Кема бортида бўлган олти нафар одам қутқариб қолинган.
Дастлабки маълумотларга кўра, ёнғин кема двигателидан келиб чиққан. Кўнгилсиз ҳодиса қирғоқдан 1,5 километр нарида содир бўлгани айтилмоқда.
Чўкиб кетган кемадаги одамлар йўловчи қайиқлар ёрдамида қирғоққа олиб чиқилган. Минтақавий ФВВнинг маълум қилишича, жароҳат олганлар йўқ.
